Ergoterapi 2010-mi ilinniarlugu naammassivara. 1979-mi Danmark-imi inunngoreernerma kingorna Kalaallut Nunaanni peroriartornikuuvunga innarluuteqarnerup silarsuaani annermik suliaqarlunga. Christinami Ergoterapi 2018-mi ammaqqaarpoq.   

Ilinniagaq siammasissuuvoq siunertaalu ersarippoq:

Oqaaseq ERGOTERAPI græskimeersuuvoq ergon “sulineq” aammalu terapi “ajornartorsiummik aaqqiineq”. Ergoterapi ulluinnarni piginnaasanik sammisartakkanillu timikkut eqqarsartaatsikkullu aallaaveqartumik sammisaqarnermi aporfeqalersimasunut, inunnguusaappat inunnguusaanngippalluunniit, sungiusarnermik piginnaanngorsaaqqiinermillu imaqarpoq.

Inulerineq nuannarilluinnartuuvara <3 

Nukappiaqqanik sisamanik erneqarpunga inuunermi atugassarititaasunik allatuulli annerusumik minnerusumilluunniit atugaqarnikut.